Sardiñas marinadas, Cebreiro e mazá
Ingredientes (10 comensais):
- 1 kg sardiñas
- 500 gr de azucre
- 500 gr de sal gordo
- 1 mazá Granny Smith
- 200 ml de aceite de oliva suave
- 1 citronela
- Pel dun limón
- Zume dun limón
- Queixo do Cebreiro D.O.P
Receita cortesía de Emma Pinal de Gastrobar O Birrán (Ribadavia, Ourense).
Preparación:
Desescamar e desespiñar as sardiñas. Poñelas a desangrar nun baño de auga con xeo durante 10 minutos, sacar e secar os lombos.
Mesturar o azucre co sal, dispoñer nunha bandexa profunda a metade da mestura, poñer por enriba os lombos de sardiña, coa parte da pel cara arriba, e cubrir ben co resto da mestura. Reservar en neveira durante 2 horas.
Infusionar o aceite coa citronela e a casca do limón, cortar a mazá en bastonciños e regalos co zume do limón para evitar a súa oxidación mentres infusionamos o aceite. Unha vez listo e algo tépedo, poñer a mazá no aceite e reservar.
Unha vez marinados os lombos de sardiña, lavalos ben debaixo da billa quitando calquera resto de mestura de azucre e sal, secalos ben e pódense manter en neveira con aceite.
Para empratar, poñemos no centro do prato un anaco de queixo do Cebreiro desmiolado, por enriba uns cantos bastonciños de mazá e terminaremos coa sardiña, que haberemos sopleteado lixeiramente pola parte da pel.
